قصة إنسانة

قصتي كتبتها بيوم حسيتها بقلبي لحالي وابي الناس تعرفها_عشان بكراماتغرك الدنياوتتبعها
تفاصيلهاكثيره صارت بسنين وبحاول اختصرها ..في حجات كثيره صارت بس بذكر الي يستحق الذكر.
.................................................. .....................................
قبل اعوام كنت جالسه عالنت..فجاه طلعت لي نافذه دردشه_اسمع عنها بس
ماعرفها_قلت اجربها_دخلتها وليتني مادخلت_عالم زي عالمنا _يختلطون فيه
الناس تكلمهم وتتعرف عليهم وبدون حدود_وبدون رسميات
ناس عمرك ماتتوقع بيوم انك تقابلهم بشات_واول ماتتعرف عليهم_تسال عمرك _وش يسوون بالشات
بس تاكد ان حاله حالك عنده فراغ ويبي يشغل هالفراغ باي شي
انبهرت بهاالعالم ..وكنت اجلس فيه بالساعات_تمركانهالحظات
و صارت عادة كل يوم_وبعد فتره صرت اتعرف وصارلي لي اصدقاء_وبدل الواحد_اثنين
وثلاث واكثر..عالنت
بعدها ع الجوال..ماكنت احب الجوال_كنت احب الشات اكثر..
كثروا اصحابي وكلهم رجال_وفيهم الطيب والخبيث والغني والفقيروالعالم
والجاهل والكبير والصغير_ وكان اكثرهم متزوجين_وياما صارت مشاكل بسبي مع
زوجاتهم_بس حبيت ان كلهم تحت امري _حبيت شعور اني اقدر اغري اي رجال
لاواخليه يحبني بعد _وماكنت اهتم لاي شي ثاني لاني بالاساس ماكنت ابيهم

كنت اعيش معاه حياته لحظه بلحظه_واحبه واغرم فيه وهو نفس_بس فجاه معاد
ابيه _والمصيبه كاني ماكنت اعرفه_انسى كلامي معاه_حتى وعودي له _كل شي
انساه
وعلى ها الحال اتعرف على شاب غيره واعيشه بحلم وبعدها اتركه_بعظهم كان
يعجبني بس انا لي حياتي الخاصه ومااقدر اتنازل عنها_بعضهم كان لاتركته
يبكي_وبعظهم كان يعرض علي الي ابيه مقابل_اني اكو ن معاه_ماكنت اقبل_لاني
معاد اقدراستمر معاه_حتى اني ماكنت اقابلهم_ولاكنت اقبل اي شي منهم ،مع ان
علاقتنا عن النت والجوال_واستمريت فتره ع هالحال _مليت من الوضع
كله_وانقطعت فترة
بس تعبت احس بفراغ يقتلني..غير التعب والارهاق الي طول اليوم..رغم اول كنت
نشيطه انام واصحا_واهتم ببيتي وباسرتي حتى مظهري مااهمله_ومع ذلك احصل وقت
بالساعات للنت والجوال
بعد فترة رجعت_لعلاقاتي القديمه وسويت جديده بعد
بس ملل ابي شي جديد
وجاني الجديد:دق علي رقم غريب كان يراسلني قبل فتره وسديت الطريق بوجه ماكنت احب حد يختارني احب انا اختار
جلسنا فتره عالمسجات بعدها النت وصرنا نكلم بعض
صرت لازم اسمع صوته يوميا ماقدرت اقل شي اطمن عليه بمسج_ملى علي حياتي وانا نفس الشي
بعد فتره طلب يشوفوني ترددت كثير بس بالاخير وافقت
وقابلته وشافني وجلست معاه
كنت خايفه بس كنت فرحانه بنفس الوقت شعور غريب ماعشته قبل كذا فرحه وعشق وحب غير
وجلست فتره على هالحال كنت احس فيه قبل مايرسل او يدق كنت امسك الجوال وانتظر
قطعت علاقاتي عشانه
وجلست معاه كل ماحصلت فرصه كنت اقابله بدون تردد_وماكنت اقبل النصيحه من
حد_اوبالاصح كنت اسوي نفسي مهتمه ومتاثره_عشان افتك من النصيحه الي بعدها
وانابالاساس ماكاني سمعت شي_وارجع لنفس الحال
وبدون حسيب ولارقيب
ونسيت ان الله اكبرحسيب ورقيب)
................................................
................................................
وبعدها سافرت عند اهلي تركته واشتقت له واناباقي عنده
كنت عند اهلي ولااول مره ماكون مبسوطه بالي معاه_يالله ياقسوة قلبي ربي عطاني شي حلال (بيت وزوج وعيال وادور الحرام )
عطاني اب وام وماكنت اهتم فيهم
اخوان وخوات بس ماني معاهم كان بالي معاه
عطاني ربي حجات اكثر بس ماكنت احس فيها الايوم فقدتها
[]وان تعدوا نعمة الله لاتحصوها[]
.........................................
......................................
**مره قريت بكتاب ان التقوى سبب كل خيروالي يصيب الانسان من كدروحزن
ونكدهوجزاءعلى افعال سواها من تقصير في صلاه اوغيبه لمسلم اوتهاون بفرض
اوارتكاب محرم وان الي يخالف نهج الله لابد ان يدفع الثمن ويسددفاتورة
اهماله**
وفعلاماحسيت بها الكلام الا يوم صار
بليله كنا كلنا مجمعين..ببيت العايله ..جانا خبر قلب حياتنا كلها
......مابي ادخل بتفاصيل الحادث الي صار........
بس انقلب الحال من فرح لحزن ومن اعياد لجنازات
هذا يصرخ وهذا يبكي وهذا ينوح وقفت شوي مصدومه وبعدها
صرخت وبكيت بس
بعدهاسكتت ماقدرت انطق اواتحرك
من الصدمه فقدت الاحساس بجسمي لساعات...حسيت اني عاجزه وجسمي خانني..و لساني مانطق
حاولت اجلس او ااتحرك شوي ... ماقدرت جلست فتره مااقدراقول كم ساعه بس اقدر اقول انها اطول وقت عشته
شوي ودخل علي ابوي وشافني ع هالحال _وماكان حاله باحسن من حالي بس غصب عنه اخذ يصبرني ويدعو لي مايبي يفقدني
حسيت وقتها ان الا رض ضاقت علي والدنيا ظلمت
هذا يبكي وهذا يانوح وذاك يذكرك بالله
وامي وابيوي يصبروني وهم الي فقدوا عيالهم
وانا*ام* واعرف شكثر الانسان يحب ابنه
بعدها غمضت عيوني حسرة وندم دار ت علي اعمالي ..واقول اكيد هذا عقاب من الله
فتحت عيوني وهي غرقانه بالدموع
وقلت يالله ارحمني مالي سواك
كنت احس بالبروده بجسمي
حسيت وكان شي يشدني من اطراف رجولي وكانه يسحبها لفوق
قلت شكلي بموت _اشوف الحزن بعيون امي وابوي واناباقي حيه_يالله شلون لواموت
توهم مادفوني الاولين وشلون بيصبرون
صرت ادعي بنفسي واقول يارب
ارحمني يالله مابي اموت الحين
عشان ابوي وامي
باي وجه ادعي ربي _
تذكرت وقتهاباي شي اقابل فيه ربي اعمالي ولاقوالي
بكيت بحسره وندم
ودعيت ربي انه يرحمني رغم اني مااظن استحقها
عصيته بالسروالعلن_وانغريت بجسمي وبجمالي وبذكائي
وماتذكرت ان الانسان ولاشي وانه مخلوق ضعيف
كنت ادعوربي في سري لاني ماكنت اقدر اتكلم
وماكنت اقدر غير اقول ربي ارحمني
حتى(ان لله وان اليه راجعون)حتى (الله يرحمهم)ماكنت اقدر
بس ربي رحمته بعباده واسعه(وسعة رحمته كل شي )
............................
........................
حسيت بحراره في يدي وشوي قدرت احركهم فرحت وقلت ياربي لك الحمد
.. جلست شوي ورجعت لي الحركه
واطمنوا اهلي علي
قمت من فراشي ومشيت شوي حصلت اهلي يبون يرحون المغسله
شفت امي وربي ماانسى شكلها ولاحزنها ذاك اليوم وابوي حاله بعد يعور القلب
جلست عند امي وقالت لي كيفك الحين
قلت الحمد لله احسن:بس وين بتروحون قالت المغسله بغسل اولادي
يالله ياامي شلون تقدرين
خلاص خلي غيرك
رفضت وسكتت ع طول
قلت بروح معاكي _قالت يابنتي انتي تعبانه واخاف عليكي
قلت الله يخليكم خلوني اروح مع امي انابنتها ولازم اروح معاها
وفعلا رحنا وابوي كان يبكي_وياحسرة قلبي عليه
وامي تصبره واخوي نفس الشي
وامي تسالني عن حالي كل شوي واطمنها علي
وصلنا المقبره وهي مليانه ناس
ودخلت امي وبعض الحريم المغسله :تمنيت ادخل معاها ماقدرت ادخل واساعد امي
انتظرت وجاني اخوي
قال خلاص بندفنهم ادخلي ودعيهم
وتوكلت ع ربي ودخلت
......................
..................................

تابع

رحماك يالله :تحس بالموت حولك وانت بالمغسله شفت الاكفان والجثث
الي كانوا معانا احياء يتحركون يتكلمون اجساد بلا ارواح
بلاحراك وكانها ماتحركت بيوم
قربت منهم وقبلتهم وناديتهم وتكلمت معاهم في بالي يمكن يردون يمكن ماماتوا..بس سبحان الله الميت يكون شكله غييير
بعدها ودعتهم وقبلتهم وكنت خلاص بطلع.. قالت لي امي ودعيهم مره ثانيه
ورجعت بسرعه وودعتهم والود ودي ماافارقهم..بس صبر جميل والله المستعان
وشفت امي تروح شوي وترجع تودعهم
كل مااحد ودعهم ترجع تودعهم وتقبلهم
......بعدها.......
خرجنا من المغسله ورجعنا البيت
وكنت مع امي ،بس حالها تغير_حسيتها تعبانه ومالومها وشوي صارت تتكا علي بمشيتها وماتقدرتمشي لحالها
امي مابكت زينا ولاصرخت
وصبرت واحتسبت رغم ان بقلبها حزن والم ربي وحده العالم فيه
(اللهم اجرنا في مصيبتنا واخلفنا
خير منها)
ورجعنا من المقبره بعد مادفنوا موتانا
اللهم ارحمهم برحمتك ياارحم الراحمين
............................
والكل راح لفراشه
هذا نام من التعب وهذا يحاول وهذا ماقدر ينام_وانا ماذقت النوم ورحت اطمن
على امي شفتها تغمض عيونها ثواني وشوي تفتحها مفزعوه كانها شافت شي

(وكفا بالموت واعظا) ما قدرت انسى الاكفان البيضاء والجثث حتى المغسله
حتى رائحتهم مافارقتني
كانوا لهم رائحه ماشميتها في احد كانت رائتحهم طيبه
وكان في وجوهم صفاء ماشفته قبل كذا
قالوا لنا هذي من علامات الصالحين
بكيت وصار بكاي حزن فرح _حزن لانهم فارقونا وفرح عشانهم باذن الله من اصحاب الجنه
جلست مع اهلي فتره ربي العالم بحالنا_بعدها رجعت بيتي وكنت متغيره كثير_بحالي بجسمي بكل شي
كان من فتره لفتره يرجع البرود لجسمي زي الشلل بس كان شوي ويروح تعودت
عليه ..و جسمي يتنمل كله حتى بشرتي تغير لونهاوصرت ادوخ دايم وكل شوي
اطيح...وقلق وخوف من دون سبب ..كنت ابكي كل ليله لين تغرق المخده كنت اصلي
وادعي واحاول اقرا بس مافي فايده ماارتاح
كنت افكر انتحر بس خفت وشوي تذكرت ابوي وامي وتذكرت عيالي
كنت احس بقلبي حزن مايعلم فيه غير الي خلقني
حزن على حجات كثيره موبس حزن على الي ماتوا
وكان بها الفتره يراسلني صديقي وكنت بعض الاحيان ارد ....واكثر الاوقات ماارد
قطعت علاقاتي بالناس وماكنت اطلع الالضروره حتى السوق ماروحه ولاالمنتزهات
كنت اذا طلعت من البيت احس بضيق بقلبي وبصدري _واجلس ارجع الي ببطني
غيرالقلق والارهاق والرعشه الي ماله سبب
فكنت بالبيت ع طول حتى جوالي غيرته =وايميلاتي فتحتها وحذفت كل الي فيها واهملتها
معاد ابي احد نهائيا_وصديقي قطعت علاقاتي فيه نهائيا وكان مصدوم وماالومه
لانه الي كان بينا ماكنت اظنه بيوم ينتهي_ومااظنه بينساني بيوم اوحتى
بيتركني في حالي
بس مافي شي يدوم_وخصوصا حب وعلاقه بالحرام
انا اول ماكنت اسال عمري بس الحين اسال=شلون الانسان يحب ويسوي علاقه بالحرام_
شلون يعصي ربه عشان شهوه ولانزوه ولا لحظه ضعف
ولا حتى حب
تاكد ان هذا مو حب _هذا ذنب واثم زينه لك الشيطان وانت سلمت نفسك له..وسلمت نفسك للذنوب والمعاصي

حاولت اني اعزل نفسي
عن كل الناس..حتى عيالي معاد اهتم فيهم زي اول
جلست ببيتي بالتحديد في غرفتي على سجادتي اصلي واقرا بمصحفي واسجد لله اخر الليل سجود طويل ادعو فيه ربي ...ووحده العالم بحالي
كنت في سجودي اتعب واحس ان جسمي يثقل كان شي فوقه غير الحراره والعرق الي يغرقني..وضيق التنفس ..واحس ببوجع بصدري
بس كنت ابكي من جد وكنت ادعوربي بكل الي بقلبي ادعي لامي وابوي عيالي
وادعي ان الله يرحمني ويغفر لي_ويبعد عني الحرام_ ادعي بعد للي ماتوا_الله
يرحمهم
وكنت بعدها ارتاح من جد لحد يدور الراحه بالادويه المهدئات _ترى احسن راحه انك تحسن علاقاتك بربك
جلست فتره ماكان لي رفيق الا كتابان
الاول كتاب الله _ عزوجل
والثاني كتاب لاتحزن كنت اقراه وقت فراغي _واستغفر الله دايم وباي وقت
بعد فتره حسيت ان الحزن الي بقلبي راح واقتعت ان الموت حق _والحزن عمره مايفيد
ولايرجع احد_وان الموت اذا ماجاك اليوم فتاكد ان بكرا بيجيك
حسيت كان احد نزع الحزن من قلبي وحسيت براحه
لااول مره احس بها الراحه_واكون راضيه عن نفسي _صح اني احس بعض الاحيان
بالذنب_بس ارجع واقول_مافي حد مايغلط_واتذكر(فمن تاب من بعد ظلمه واصلح
فإن الله يتوب عليه)
****
بالاخير تغيرت بكل شي حتى بشكلي وبجسمي حتى صحتي ماصارت زي اول
وشخصيتي كل شي للاسواء=واحسه انه عقاب من الله واقول بنفسي احسن استاهل
ماانكر بعض الاحيان اني ابي ارجع واحس بالضعف ...بس اتذكر كل الي صار
واتذكر ان ربي رحمني وامهلني مره_وعطاني فرصه ومستحيل اضيعها_ وبعدين
اناثقتي بالله كبيره _ومتاكده انه راح يعوضني خير
اناماكتبت قصتي عشان اتباهى اواقول انا كان عندي وماعندي ........
كتبتها عشان ابي اقول للناس_ان كان لي قلب ميت ماظنه كان ينبض_والحمدلله الحين صار لي قلب حي
وابي اقول حجات بعد اعتبروها رسايل مني لاني ماقدراقول نصايح لاني بالاساس
انامامواهل للنصيحه_ابي اقول لاتغريك الدنيا فوربي الي خلقني مابينفعك مال
ولااهل ,ولا اصدقاء
وماينفعك الا عملك الصالح_
وثاني شي اذاضاقت عليك الدنيا لاتنتظر مساعده من اهل اواصدقاءلان الناس
لهم حد معاك _حزنك والمك مهما قلت الناس ماتقدر تساعدك اوحتى تحس فيك واذا
حست بيكون لحظات اما انت فطول الوقت بس توكل على الله
احذرالموت اوبالاصح خافوا منه ودايم تذكروه
الموت مايعرف لاصغير ولاكبير ولاغني ولافقير_ولاتقول ادري اني بموت ..بس
في نفسك تقولي ...بس موالحي..ماله وقت ومولازم يكون له سبب امرالله كن
فيكون
كلمه مني لكل بنت..لاتنغري بجمالك ولابجسمك ولاذكائك فكله زايل من تراب والى التراب
وياليت اذا كانت لكي اي علاقه بالنت او بالجوال انكي تقطعيها كل علاقه
محرمه ولاتقولي انا غير وهو يحبني واناموغبيه_الغباء بعينه انكي تعصين
الله عشان علاقه اونزوه
وهذي رسالتي الاخيره لكل زوج اهلك امانه في عنقك ماتهملهم اوتعطيهم ثقه
ماتكون محلهااوحريه بزياده(كلكم راع وكلكم مسؤل عن رعيته)انامااحمل ذنبي
احد اواقول لوكان كذا يمكن ماصار_انااعرف حالي واعرف ان المراءه لابغت شي
تسويه_بس بقول لواتقيت الله حق تقاته اكيد ماكنت اغضبته
..................................................
..................................................
..................................................
..................................................
..................................................
................................................

اللهم اغفر لى خطيئتى وإسرافى فى أمرى وما أنت أعلم به منى

اللهم اغفر لى هزلى وجدى وخطئى وعمدى وكل ذلك عندى

اللهم اغفر لى ما قدمت وما أخرت وما أسررت وما أعلنت وما أنت أعلم به منى، أنت المقدم وأنت المؤخر وأنت على كل شئ قدير

شكرا لك أختي الكريمة

جزاك الله خيرا وجعله في ميزان حسناتك