لا احد يملك المجموع هذه من النكت احك معنا؟؟؟؟؟؟؟؟؟؟؟؟؟؟؟؟؟

أيا أدخل تشوف..

1/ قالك جزائري بطال دخل لمقبرة في اليابان لقى مكتوب على القبور زاد سنة 1910 توفي سنة 1970 وعاش 5 سنوات داخ وراح سقسى العساس قالوا كيفاه زاد في 1910 ومات في 1970 وعاش غير 5 سنين قالوا العساس 5 سنين يعني نهارات الخدمة الحياة عدنا هي الخدمة نتاعوا. الجزائري خزر فيه وقالوا على حسابك حنا رانا مازال ما زدناش

2/ قالك جزايري قاعد مع واحد ماريكاني في قهوة وحاطين زوج قهاوي المريكاني حب يستهزى بالجزايري وقالوا حاب نسقسيك وش كاين بين الجزايري والمريكاني. الجزايري خزر معاه وقالوا كاين طابلة

3/ قالك وحدالامير كان عندو فيل هذاك الفيل فسد الزرع نتع الفلاحين ديما يفسد وهما ماقدرو يقولوا والوا للامير يخافوا منوا، واحد النهار جا واحد كوراج ما يخافش قالهم انا نهدر مع الامير بصح بشرط تروحوا معايا وكي نبدا نهدر انا لازم تهدروا معايا قالولوا خلاص تفاهمنا.
كي دخلوا للامير وقف هذاك الكوراج هو اللول والفلاحين موراه. قالوا ياسيدي الامير الفيل نتاعك وسكت يستننى في الناس يهدروا زاد عاود قالوا يا سيدي الامير الفيل نتاعك وسكت الناس ما حبوش يهدرو شاف معاه الامير وقالوا اهدر وش بيه الفيل نتاعي .قالوا يا سيدي الامير الفيل نتاعك لازمتلو فيلة

4/ قالك واحد حياتوا كامل وهو ياكل في اللوبيا وكي يجي ياكل ما يقولش بسم الله الشيطان ياكل معاه واحد النهار جاء راح يبدا الماكلة خرجلوا الشيطان وقالوا يا صاحبي نتا قع ما تقولش بسم الله

5/قالك الطبيب دخل لغرفة نتع مجانين لقى واحد يضرب في راسوا ببليغة سقسى الفرملية وش بيها قاتلوا هذا كان يحب وحدة ومتزوجهاش خرجو ودخلوا في غرفة وحد اخرى لقى واحد يخبط في راسوا على الحيط قالها وهذا وش بيه قاتلوا هذا اللي تزوج بالمرا اللي كان يحبها لخر

6/ قالك جماعة زاطلين قاعدين تحت باطيمة يتكيفوا خلاصلهم الزلميط بعثوا واحد يجيب دار على الباطيمة ورجع لصحابوا وقالهم ياجماعة ما عندكمش زالميط قالولوا اقعد رانا بعثنا واحد يجيب.

7/ قالك مرة واحد ديما تسقسيه صاحبتو: واش تغديت? يقولها: لوبيا .ديما هكا .واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت

8/ قالكم كاين واحد عندو الغنم بزاف بزاف بصح ما يصليش واحد المره جاه الامام تاع المنطقة نتاعو وقالوا انت لوكان تزيد تصلي الغنم نتاعك يوليو الضعف مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا 4ولا5والسيد صابر يقول ضرك يزيدو ضرك يزيدو حتى بقى ليه كبش واحد فات عليه والكبش يقول بع بع بع بع بع بع بع ما حبش يسكت دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

9/قالك مرة في صبيطار ديما يوكلوهم عدس خطرة هدر وحد لمريض للطبيب قالو:نوعولنا شويا هاسيدي رانا راح نوليو عدس قالو الطبيب :العدس مليح فيه فيتامين حديد قالو لمريض:أي عنها صاحبي دارولو عملية جراحية خرجولو من كرشو مارطو وبلون

10- مرة امراة طلقت شعرها...هرب
السلام عليكم

** قالك وحدة عجوزة راحت عند الطبيب قاتلوا : يا وليدي راه عندي الما في ركبتي و لي غاز (الغاز) في الميعدة ...قالها : دخلي التريسيتي و اسكني !!!!!

** طوموبيل خبطت زوج عباد واحد مات و الثاني تعور شوية , و ناض يسب في الشيفور , اومبعد قالوا الشيفور : أنت تعورت شوية و قاعد تسب ..شوف صاحبك مات و ما قال والو !!!!!

**واحد طلاب قالولو لوكان تربح 100 مليون دولار واش الدير بيهم
قالهم : نبني جامع (مسجد) و نطلب فيه وحدي !!!!!

** قالك واحد الناس شراو خروف ..أيا منين ذبحوه لقاو عندو زوج كبدات ..كبدة نتاعو ..و كبدة كان مربيها مسكين على واحد النعجة !!!!

** مرة أستاذ سقسى واحد التلميذ قالو : واش الفرق بين ذيل الحصان و ذيل الفيل ...قالو : الحصان الذيل ديالو ماللور و الفيل الذيل ديالو مالقدام !!!!

** مرة السبع لم الحيوانات نتاع الغابة و قاعد يحكيلهم حكاية ..كيخلص ضحكوا كلهم غير الحمار ساعة من ذاك باه ضحك ..علاه؟ ساعة باه افهمها !!!!

** مرة زوج ولاد حابسين ( مايفهموش) راحو لواحد المتحف نتاع الفراعنة لقاو هيكل عظمي مكتوب تحتو 1540ق.م
سقسا الأول صاحبو : واش معنتها 1540ق.م , قالو الثاني : تكون النيمرو نتاع الطوموبيل لي صدماتو !!!! هيا هذي وحد القرية فيها امام يطول بزاف في صلاة الجمعة يحكمهم من 12.00 حتى 2.30
عادو كل ماتلحق الجمعة تحكمهم الخلعة هيا تلاقاو الشيوخ لكبار وتفاهمو ينحيوه ويجيبو امام ثمثم يعني صلي وارفع صباطك
هيا الجمعة الاولى مع الامام الجديد جاو داخلين للمسجد قالهم:
قبل ماتدخلو تعرفو قصة سيدنا موسى ولا لالا ؟؟؟؟؟؟؟
قالو :نعرفوها
قالهم :ملا خلاصت الجمعة نتاع اليوم
جاو خارجين عاجبهم الحال مع الامام الجديد
هيا قبل مايخرجو قالهم :اصبرو اصبرو قبل ماتروحو ؟؟؟
تعرفو قصة سيدنا عيسى ولا ماتعرفوهاش ؟؟؟
قالو :نعرفوها
قالهم :ملا الجمعة الجاية غير ماتجيوش ..................

هيا هذا واحد سقسى صاحبو قالو : واش معناها كلمة demain بالعربية
صاحبو قالو :الغدوة
قالو :لالا نحوس تقلي على معناها اليوم

قالك واحد الماني ساكن في اليابان
وحد النهار ضرب زلزال بقوة 7.5 على سلم ريشتر
الديار كامل طاحو غير نتاع الالماني سترها ربي ومنعت
هيا الغدوة من ذاك ناض الاماني وجابلها نيفلوز وهدمها
قالولو :علاش
قالهم :خفت تحصلوها فيا تقولولي انت لي درت الزلزال .......

هيا هذو عشرة حابسين يطبعو في bus قالك ل:bus ماتحركتش من بلاصتها في رايكم علاش ؟؟؟؟؟؟؟؟؟؟
قالك خمسة يطبعو من قدام وخمسة يطبعو من لورا ..........

خمسة صحاب بصح حابسين في روسهم سماو رواحهم الفرسان الثلاث .............

هيا قالك هذي وحد المدرسة حابسين نتاع الصح من المدير حتى للتلاميذ
وحد النهار جاهم المفتش دخل للقسم نوض واحد سالو في التربية الاسلامية سؤال
قالو : من كسر الاصنام
قالو التلميذ : الشيخ والله ماني انا
المفتش مافهم فيها والو قالو يا وليدي غير سالتك برك قتلك من كسر الاصنام
التلميذ قالو : والله والله والله يالشيخ ماني انا
دار المفتش للمعلم قالو واش بيه هذا
المعلم قالو : عندو الحق ماهوش هو لي كسرهم انا نعرفو طفل عاقل وقراي
المفتش مافهم في والو تقلق طلع للمدير ...لحق ليه قالو واش راه صاير عندكم هنا
المدير قالو غير الخير
قالو المتش : سقسيت التلميذ قتلو من كسر الاصنام
قالي والله ماني انا
سقسيت الممعلم قتلو : واش بيه التلميذ نتاعك
قالي :ايه عندو الحق ماهوش هو
هيا المدير قدم للمفتش وقالو : ماتدير عليهم ماوالو قلي برك وشحال السعر نتاع الاصنام هذو وانا نسلكهم .............

واحد جنيور تاع لنفورماتيك دار تحاليل الدم خرجتلوا hp

مزطول راح راح لرسترة فيه كلش تلفزيو كليماتيزور جاء الخدام قالو نديرلك لشان تاع zidan ول تاع ronaldinho قالو ديرهم لي بين زوج فكاسكروط

كان واحد سقسى واحد مزطول قالو شكون انتصر في غزوة بدر المسلمون ام قريش قالو المسلمون ثم قالو شكون اربح للمان ول الترك قالو للمان او زيد لافينال بين للمان و المسلمون

حاجة كحلة على الحيط تدير ميو ميو ميو واش هي

غراب يتمهبل
واحد بنى جامع اذن او شاف الناس ليدخلو بزاف رجعو رستورة

في احد الايام ذهب جحا إلى بريطانيا (انجلترا) فركب في حافلة مؤلفة من طابقين فصعد الى الطابق الثاني وجلس قليلا ثم عاد الى الطابق الاول فقالوا له: مابك يا جحا؟ فقال لهم : في الأعلى مالهم سائق

مره ولد سأل ابوه :ما الفرق بين القضاء والقدر والمصيبه؟؟؟ قال الوالد : رحنا للبحر نسبح و غرقت امك هذا قضاء و قدر ما نعترض عليه لكن المصيبه لو طلعت امك تعرف تسبح!!!!!!!!!!

في دجاجة تبيض بيض بدون قشرة ليش؟ تستعمل شامبو ضد القشرة !

غبي دافن نصه في الارض ليه ؟ بيصور فيديوكليب انا عايش ومش عايش
مرة صحفي تزوج صحفية جابو طفلة سماوها خبر عاجل
قالك واحد الزوج واحد يقول احنا في النهار و الأخر يقول احنا في الليل
بقاو هكاك لقاو واحد سقساوه : خويا احنا في النهار ولا في الليل
قاللهم أسمحولي مانسكنش هنا
مزطول راح للدكتور يشكي انه كل ما يرقد ‏يحلم بقطط يلعبو في الكرة . قالو الدكتور : مترقدش يومين .. قال المزطول: منجمش على خاطرغدوة
La Final
كان الحلاق شادد مغناطيس على راس زبون معبي بالشعر تعجب الزبون و قالو: واش تعمل ؟ قالو الحلاق: انحوّس على المقص!!!
واحد من كثر ما خسر بالبورصه طاح مريض
هزوه عند الدكتور
الدكتور وهويكشف عليه قالو يا الله ضغطك وصل 70 )
صاح المريض و قالو : بيع بيع بييييييييييع
مزطول قال لمرتو نكته... قالت: " هههههههههههه بايخه " قاللها : " ههههههههههه انتي طالق"
واحد راح لطبيب باش ينحيلو مسمار دخلو في رجلو كي قالو ب2500دينار جاوبو وقال عوجو وخليه
اب كسلان قال لولدو الكسلان قوم افتح الباب لامك
الابن: افتحلها انت مش هذي مرتك؟
الاب: قوم يا ولدي هذه امك
الابن: و مرتك ثاني قوم انت افتحلها
الاب: يا مرأة انتي طالق بالثلاثة... قوم ضرك افتح الباب لامك و رد بالك تقلي مرتك
واحد اخترع حبوب للحامل باش المولود يطلع مؤدب وكل مولود فعلا نزل مؤدب .
واحدة أخدت الحبوب وماولدتش في المعاد فراحت للدكتور عملها ولادة قيصرية
لقى توأم كل واحد يعزم علي التانى ويقول له :اتفضل
التاني يقوله:لأ اتفضل إنت الأول
واحد حب يخّوف أولاده ذبح مرتو
واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي
قالك واحد مكترة طويل شاف سمانة الجاية ......

/ مرة واحد كان يهدر مع صحبتو م taxiphone شاف باباها جايز قدامو خاف acrochalha في وجهها
( زعم ابوها يعرف مع من راهو يهدر هاد الولد)

/قالك مرة واحد كان مع صحبتو برة يمشي هو وهي شافت باباها خافت قالتلو: بابا .بابا بالاك
قالها صاحبها normal .... كلي انا اخوك

/ قالك مرة واحد رماولو حبة upsa في المسبح مازال للان يحوس عليها

/قالك مرة سقساو واحد. قالولو شكون الحيوان لي
ياكل بزاف العسل... قاللهم * المقروط*

/قالك مرة سقساو واحد . قالولو شكون الحيوان لي يشرب بزاف الماء.. قاللهم * lavabeau*

/مرة واحد راح النجلترا كي ولا قاللهم هدوك les anglais بزاف هاربين علينا ..... قالولو علاه... قاللهم* اولادهم صغار يهدرو بالانجليزية*

ارجو ان تنال اعجابكم

هههههههههههه
شكرا لك اخي على النكت الرائعه

شكراااااااا على الرد

هههههههههههههههههههههههههه
شكرا على النكت

هههههههههه
شكرا على النكتة