مدخل
جــيتك شـاقي يـابحر قـلت أنسـقسيك **** مـاني جـاى أنـعـوم ولا نـتـفسح
موالف تنـفح في زمان الصيف أنجيك **** نسـتجمم على شطـوطك وأنــريح
جيتك شاكي قـوم تاهت بـين يديـك **** ناس بلا ظـمير في عمـقـك تصـرح
لكـن عـذراً يابـحر لالـوم علـيك **** الـوم علـى ناس فـي ظـلمة تسبـح
حــــــراڤة
ردعـلـيا يا بحـر كـيـفـاه أنـديـر**** مـن الحـراڤـة راه ڤلـبي يــتقسم
لالـي حيلة كـان صبت أجناخ أنطير ****بـاه أنـرجع ناس وطنـي للـمرسـم
راه أمـشلوش خاطري مانيش بخـير ****حـال النـبف وهكـذا حـال المرهـم
حايـر نسـال ويـينهم ناس الـتدبير ****ننصـح هـاذا النـاس لعـل تحـشـم
يامڤـوانـي خـاوتي عنـهم وأنـحير**** غاظـوني وعـدادهم غـي تتـراكـم
غاشي طـاير كى سـراب العصافـير**** مـن شتـى لعمـار أمـة تــتزاحم
لـعبت بيـهم ناس معـدومت ضمير**** شراو المـوت وعـربـنوها بعمرهم
اتغـرو ظـنو الحرڤـة فـيها خـير **** الجـنة فـي بـالهـم مـوجـودة ثـم
واحـد قـال أنروح واللي صار يصير **** نحـلف بـاليـمين مـاعـدتش نعـزم
وواحد منلي راح مجهـول المصيـر **** اتحـول كـابـوس حلـمـو وتحـطم
لاخـرجـته هامـدة فـي شط تسير **** تتغـاذف لمـواج بـيـها تـتـلاطـم
لاحتـها ويـن الرمـل لاح اقـناطير **** تحـت الرمـلة تصـيب هيكل بونـادم
وغـاشـي مـالقـينا لـو تـأثيـر **** بيـن أنـياب الحـوت لحمـو بنڤـاسم
لغـز يحيـر مـالقـينالـو تـفسيـر **** خلـص بـاه يمـوت مسكـين أدراهـم
تاهت خـلق الله فيـك يابـحر كثـير **** واتعـجب فـيـنا الكـافـر والـمسلـم
يامحـير كـوستو مـاليـك أنـطير **** بسبـابـك هــداه ربـي وأسـتسلـم
خليـني نـبكي على خـويا وانحـير **** نحـزن طـول الـدهـر عنـو نـألـم
هـوًن عمـرو غـاب عقـلو والتدبير**** واركـب فـي ظهـر الفـلوكة وأستسلم
مـاشاور مـاقال تبـقاو علـى خيـر ****سافـر خـفـية دون ناسـو مـاتعـلم
تتـعجب وتـحير تعـجز عالتفكـير ****المـوت يـنـادي وخـويا مـتـقـدم
مثـل الأعـمى حاكـم الظلمة ويسير**** تايـه بـين أمـواج وعـواصف تهـدم
يامـطول مـوج البحر للعين أتحـير ****وماتـدريها واش مـن سـاعـة تهـجم
ياخـويا مـازالك فلعـمر أصغـير**** كـنت مهـني بـين أهـلك تتـنعـم
واش لاحـك ياوعيـل بين الأعاصير ****وواش جـابك يـافـار للـيث تـقـاوم
رانـي خفـت عليـك تتصبح أسيـر **** بـين الغـربة وبيـن كفـرة لاتـرحـم
حبـل الحـرڤة يابـني ڤاسي وقصير **** خيطـو راشـي مـايطـولش ويهـشم
على التهلوكـة نهـاك مولاك الـقدير **** تتحـاسب عـن قـتل نـفسك يـاواهم
انـت والي هـربك ذاك الشـريـر **** ذيـابـة تـنهش فـي عـظام بني أدم
عييـت أنقـب مـالقيتلك خويا تبرير **** فـي كـل الحـالات سـميتـك ظـالم
مڤـواهم حـراسنا فـي بحـر كبـير **** تحـية لـرجـال سهـرانـة تـخـدم
نـقذو أمـة هـابطة في قـاع الـبير **** فـيئة محـكومـة وفـيئـة تـتحاكـم
نتـعاون ونـدير حمـلة للتـطهيـر **** ننـقذ هـاذ النـاس مـن أمـحـتهـم
ويـن العلمـاء ويـن أهـل التـعبير **** كـل واحـد كيـفاه وانـديـر الـلازم
مـانسكت مـايروح هاذا الجيل يطير **** تبقـى فيـها غـى خـديجة والعـارم
أنـفظل عـيش لـوطن ولـو فقـير **** خيـر مـانسـاق كيـما لبــهايـم
وكـر أجـدادي مـانبدل بـيه الغير **** حـبو يـجري في عروقي مجرى الـدم
زوالـي وفـحل وطـني خيـروخير **** وغيـر على كـرامتـي مـانـتسـاوم
ارض المعـجزات فـيها خـير كثير **** أرض جـدادي معـيرة قـاع العــالـم
لارومـا لاسبانـيا مـزغنـة خـير **** والله يـالوكـان نـطلب وأنــلايــم
نزرع ڤمحي على الثرى ونزيد شعير **** أرضى خصبة صحيح للغرس أتـوالــم
لـو تنطـق تقـول اينا عيب كبـير **** خايتـونـي بور مڤـوانـي نحــطـم
بنـت بـلادى غـالية وعليك نغير**** ومـن غيـرك ياحبيـبتي نـبقى صـايـم
نبنيلك لـوكان قـربي بـالقصديـر **** مهرك حبـي ومـن الـوفا هـاكي خـاتم
بنت الكفـرة مـايجيني منـها خير **** بنت العــم اللى معـاها نتـفاهــم
غـير فراق خديجتي موحـال يصير **** والله مـاتبـكي عيـونك يـاعــارم
عيـيت أنخاطب في بحر ماباش يثير **** خلانـي مـن غـيـر وحـدي نتـكـلم
قلت نصبرومن غيرصبري واش أندير ****هكذا ربـي قـدر علــيا وأحـكبعـد العسـر يجـيب سـاعـات الـتيسير ****مغـيـر لحــوال سـبحان الــدايـم
ويفـرج عـنا السمـيع الـبصيـر ****تتـسـڤـم لـيـام لــينا تـتبســم
الـدزاير أمي مـانبدل بـيك الغـير**** وغيـر علـى كـرامـتي مـانـتسـاوم
وبـالصلاة علـى نبي طـه البـشير****محمـد شفـيعـنا قــولـي نــحتـم [rand][/rand]
موضوع: الحراقة للشاعر الشعبي دبوسي العيد 
الأحد فبراير 15 2009, 23:25
