يقــول أحبج حيل .. ويعشــق عشــرين ..

[ندعوك للتسجيل في المنتدى أو التعريف بنفسك لمعاينة هذه الصورة]
يقول انا اعشقج ياشيخـة العــز ... ومهما ابكتـب فيـج ادري شويـه

دنيـاي لاشفتـج تزهـر بساتيـن ... وان غاب طيفج ذقت طعم المنيـه

اذوب انا يابنت من نظـره العيـن ... وتذبح قليبي شفاهـج النرجسيـه
يقول انـا وافـي وابيـج توفيـن ... ابيج انـا ويـاي صبـح ومسيـه

ويقول"احبج حيل"ويحب عشريـن ... ونفس الحكي قاله لهذي وذيـه .!!
هذا ترى هو حال شبابنـا الحيـن ... يا للأسف مـا عـاد فيـه حميـه

كثرة فتـن ولا هـي قلـة الديـن ... ولا البلا كله من ضعف البنيـه..!
يابنت مابه حب في وقتنـا الشيـن ... والله يحبـك لجـل غايـه دنيـه

لامن قضى يرميج وانتي تخسرين ... ومحدٍ ترى غيرج يكون الضحيـه
والله من حبي لج ابيـج تعرفيـن ... منهو يحبـج مـا يجـي بالخفيـه

دوسي على قلبـج ولا لا تبوحيـن ... ولايضعفج حكيـه وخلـج قويـه
وعوذي باسم ربج من الشياطيـن ... والله يحفظج من كله زله وخطيـه

وحبي هلك..كـان بـودج تحبيـن ... وربعج وناسـج والوجيـه الهنيـه
والصاحب الصادق بالعسر والليـن ... ومنهو طلب ايدج بشمسٍ ضويـه

ذولا الـذي مـن حبهـم ماتمليـن ... ومايلحقج من دربهم شـر واذيـه
نظمت لج حرفي من واقـعٍ شيـن ... وقتٍ ردي ونفوس جشعـه رديـه

لاتفكرين قولـي مجـرد تخاميـن ... ولامخاوف بايتـه بصـدر بلوشيه
ولاانـا مالـي بـدرب المحبيـن ... ساقيه لو وطى درب الخطيه

((سمعتي تسوى في عيوني ملاييـن ))... والله ما ارخصهـا مادمـت حيـه
وترى الحكي مقصور على الرديين ...(( و ادري به رجالٍ مارضت بالدنيه))

بااااارك الله فيك وجزاااك خيراا

ويبااارك فيك

ويجزيك خير

يسلموووو ع الرد الكيووت