فاض العذاب وقلت ياناس يا ليت


يا ليت ها لدنيا تخفف عذابي


رجيتها ويا ليتني ما ترجيت


لا يا خسارة ضاع فيها شبابي


ونيت وانا من ضيق الايام ونيت


وبينت من هذا الزمن وش جرابي


بكل كلمات الندامة تغنيت


يقراه من شاف الحزن في كتابي


نوح وحزن وهم وعذاب وتناهيت


عمري مضى والناس ماحد درابي


شلت العذاب وتوني ما تعديت


اول شبابي اسود الراس شابي


رجواي بالله عالم كل ما أخفيت


عسى يزيح اسباب ضاقت بحالي


ياما من ادلال التمني تقهويت


وياما وياما من عذاب صطابي


دارت بي الدنيا وياما تمنيت


ان السعد يلقى على حد بابي


هليت ما في القلب من ضيق وابديت


ربع العذاب اللي بقى من عذابي