بعد السنين اللي مضـت جـاي يجتـاح
قلـبـن بـعـد فـرقـاه مــا ظــن بيـمـيـل
جتني تعاتبني علـى الوقـت يـا صـاح
تـقـول وشـبـك مــا تـــرد المـراسـيـل
أتعـبـت جـوالـي إلـيــن الـخـفـا بـــاح
وأرسلت لك مـن بعـد شفـت البهاديـل
جيتك جروح(ن) كلها طعون ورمـاح
تكفـى تـرد الــروح مـعـاد فــي حـيـل
جاوبتها وأنـا أحسـب الشـوق فضـاح
لكن عرفت أني مـن الشـوق مـا ميـل
معـاد يـنـزل لــك شمـوخـي ولا نــاح
أطعن جروحي بس منـزل لـك إذليـل
أن كـان لـي فـي خافقـك شـي قـد لاح
أنسيه ما ابغـى لـه مـع الوقـت تحليـل
أن كنت في نومك سعيد(ن) ومرتـاح
أنــا حيـاتـي كـــل أبـوهــا غـرابـيـل
يا ما سهرت الليل والشوق بي صـاح
وياما شكيـت اليـاس فـي ظلمـة الليـل
أسهـر مـع الهوجـاس والفكـر سـراح
أعـزف مـن أوتـار المفـارق مووايـل
فـي غيبتـك هــم وغرابـيـل وأشـبـاح
وفـي شوفتـك فرحـه وبسمـه وتهلـيـل
هـم المواجـع بـان مـن بعـد الأفــراح
وصار الشقى عنوان دربي بها الجيل
عاماً مضى ماشفت لـك فيـه مصبـاح
أظلمـت لـي دنيـاي مـن غيـر تعلـيـل
تـوك تجـي خـلاص مـا فـات قـد راح
وأنـا نسيتـك صـدق مانـي لـك خلـيـل
مـعـاد لــك بالقـلـب مـنــزل ومـفـتـاح
لقيت شخص(ن) مـا يعـرف التماثيـل
أحيا عروق القلب مـن بعـد مـا طـاح
وأنـا عطيتـه حــب معـنـى وتفصـيـل