عندى سؤال ... ؟
عندى سؤال يابا جاوبنى
فين العدل فى بلدى ؟!
بشهادة عالية ....
إمتياز لكن فقير
على العمارة قاعد غفير
وصحبه مستنى الشوفير
أصل بابا فى مكتب وزير
عينه فى منصب كبير
رشوة ...........وسطة
كام ضحية فى كل جيل ؟!!
أحسنلى يابا أنى أسافر
أعملى يورو وكام دولار
وأشترى أجمل حورية
تبقى جارية ........................... وأنا الأمير
أسمعنى يابا خد بأيدى
قبل ما يفوت الأوان
الفقر عيبة فى الزمن دا
والجنيه هو ......... الأمان
نصيحة يابنى خدها منى
الدنيا ساعة للصغير والكبير
والكفن لو من ذهب .......
التراب مثواه الأخير
ويوم الحساب ......
غير ربك مفيش كبير
لا تقولى غنى أو فقير
القصد يابنى أنى أقولك ....
كن قنوع تكسب كتير
والحرام بئس المصير

سلمت يمناك اخي عبدو

رائع ومتميز كعادتك